លោក Anutin ថាចិនមិនលម្អៀង និងបានសម្រេចផ្ដល់ជំនួយ២០លានយន់ដល់ថៃនិងកម្ពុជារៀងៗខ្លួន

នៅព្រឹកថ្ងៃទី២៩ ខែធ្នូ នាយករដ្ឋមន្ត្រីថៃ លោក Anutin បានបង្ហើបថា ចិនបានសម្រេចផ្ដល់ជំនួយ២០លានយន់ចិនដល់ថៃ និង២០លានយន់ដល់កម្ពុជា។ លោកថា ជំនួបរវាងរដ្ឋមន្ត្រីការបរទេសថៃនិងរដ្ឋមន្ត្រីការបរទេសចិនប្រព្រឹត្តទៅរលូន ហើយការប្រាស្រ័យទាក់ទងអំពីកិច្ចសហប្រតិបត្តិការក៏រលូនដែរ។

ចំពោះការលើកឡើងលើអ៊ីនធឺណិតថា ចិនយកចិត្តទុកដាក់តែកម្ពុជា ហើយមិនអើពើថៃ លោក Anutin បានថា នេះជាការយល់ច្រឡំ។ លោកបានរំលឹកឱ្យប្រជាពលរដ្ឋយកព័ត៌មានផ្លូវការជាគោល ព្រោះបច្ចុប្បន្នបណ្ដាញសង្គមមានការលើកឡើងច្រើនបែប ដែលងាយបង្កភាពច្របូកច្របល់។

សេចក្ដីរាយការណ៍សរុបរបស់ស្ថានីយយើង