នៅរសៀលថ្ងៃទី៣០ ខែធ្នូ ប្រធានព្រឹទ្ធសភាកម្ពុជា សម្តេចហ៊ុន សែនបានអញ្ជើញទៅកាន់ទីតាំងរៀបចំសម្ភារៈជំនួយសម្រាប់ជីវភាព ដើម្បីសួរសុខទុក្ខបុគ្គលិកនៅជួរមុខ និងពិនិត្យការវេចខ្ចប់និងការត្រៀមសម្ភារៈ ព្រមទាំងបង្ហាញការយកចិត្តទុកដាក់និងលើកទឹកចិត្តដល់អ្នកចូលរួមរៀបចំ។
តាមសេចក្តីរាយការណ៍ សម្ភារៈជំនួយនេះត្រូវបានរៀបចំរួមគ្នាដោយសម្តេចហ៊ុន សែននិងក្រុមគ្រួសារ ព្រមទាំងនាយករដ្ឋមន្ត្រីហ៊ុន ម៉ាណែតនិងភរិយា។ សម្ភារៈនេះគ្រោងចែកជូនប្រជាជនភៀសខ្លួនដែលរស់នៅក្នុងខេត្តពាក់ព័ន្ធតាមព្រំដែនកម្ពុជា–ថៃ ដើម្បីជួយសម្រាលការលំបាកក្នុងជីវភាពដែលប្រជាជនតំបន់ព្រំដែនកំពុងប្រឈមក្រោមស្ថានភាពបច្ចុប្បន្ន និងធានាតម្រូវការជីវភាពជាមូលដ្ឋាន។
ក្នុងពេលពិនិត្យ សម្តេចហ៊ុន សែនបានសាកសួរលម្អិតអំពីប្រភេទសម្ភារៈ ដំណើរការវេចខ្ចប់ និងការរៀបចំចែកចាយ។ សម្តេចបានកោតសរសើរការងារដែលមានប្រសិទ្ធភាពនិងសណ្តាប់ធ្នាប់របស់ក្រុមរៀបចំ ហើយស្នើឱ្យពន្លឿនការត្រៀមគ្រប់ផ្នែក ដើម្បីឱ្យជំនួយទៅដល់អ្នកទទួលដោយសុវត្ថិភាពនិងទាន់ពេល។ តាមសេចក្តីរាយការណ៍ លោកស្រីហ៊ុន ម៉ាណា អគ្គនាយិកាអគ្គនាយកដ្ឋានវិទ្យុនិងទូរទស្សន៍បាយ័ន ជាអ្នកសម្របសម្រួលការរៀបចំនិងវេចខ្ចប់ ដែលកំពុងប្រព្រឹត្តទៅដោយរលូន។
រាយការណ៍សរុបដោយស្ថានីយនេះ។
