នៅថ្ងៃទី២២ ខែកុម្ភៈ ខេត្តព្រះសីហនុបានរៀបចំព្រឹត្តិការណ៍រត់ប្រណាំងធំមួយ ដែលមានអ្នកចូលរួមជាង១២.០០០នាក់ លើសពីការរំពឹងទុក។ សកម្មភាពនេះជាផ្នែកនៃការអបអរ «ព្រឹត្តិការណ៍ទេសចរណ៍ វប្បធម៌ និងពាណិជ្ជកម្ម» ដោយមានបរិយាកាសសប្បាយរីករាយ និងជំរុញការចូលរួមកីឡារបស់ប្រជាពលរដ្ឋ។
ព្រឹត្តិការណ៍ប្រព្រឹត្តទៅក្រោមអធិបតីភាពរដ្ឋមន្ត្រីក្រសួងទេសចរណ៍ ហួត ហាក់ និងអភិបាលខេត្តព្រះសីហនុ ម៉ាង ស៊ីណេត ក្រោមប្រធានបទ «កីឡាដើម្បីសុខភាព និងឯកភាពជាតិ»។ សកម្មភាពនេះលើកទឹកចិត្តរបៀបរស់នៅមានសុខភាព កាត់បន្ថយភាពតានតឹងតាមរយៈកីឡា និងពង្រឹងសាមគ្គីភាពនិងការជួយគ្នាក្នុងស្មារតីមហាគ្រួសារខ្មែរតែមួយ។
ក្រៅពីការហាត់ប្រាណ ព្រឹត្តិការណ៍នេះត្រូវបានចាត់ទុកជាមធ្យោបាយជំរុញទេសចរណ៍ និងសេដ្ឋកិច្ចមូលដ្ឋាន ដោយប្រើវេទិកាកីឡាផ្សព្វផ្សាយវប្បធម៌និងសកម្មភាពពាណិជ្ជកម្ម បង្ហាញភាពរស់រវើកនិងការអភិវឌ្ឍរបស់ទីក្រុងមាត់សមុទ្រ និងរំពឹងទាក់ទាញភ្ញៀវនិងឱកាសអាជីវកម្មបន្ថែម។
សម្រួលដោយ៖ KPS99TV
