«ទោះពិភពលោកប្រែប្រួលយ៉ាងណា កម្ពុជា និងចិននៅតែជាមិត្តដ៏ល្អជានិច្ច»។ នេះជាការលើកឡើងរបស់លោក ហោ ណាំហុង ឧត្តមប្រឹក្សាផ្ទាល់ព្រះមហាក្សត្រ ពេលទទួលជួបលោក វ៉ាង វិនពិន ឯកអគ្គរដ្ឋទូតចិនប្រចាំកម្ពុជា នៅគេហដ្ឋាន ថ្ងៃទី២៧ ខែកុម្ភៈ។ ភាគីទាំងពីរបានជូនពរឆ្នាំថ្មី និងពិភាក្សាអំពីមិត្តភាពប្រពៃណីរវាងប្រទេសទាំងពីរ។
លោក វ៉ាង វិនពិន បានលើកឡើងថា លោក ហោ ណាំហុង ធ្លាប់ជាឧបនាយករដ្ឋមន្ត្រី និងរដ្ឋមន្ត្រីការបរទេស ព្រមទាំងជាសហប្រធានគណៈកម្មាធិការសម្របសម្រួលអន្តររដ្ឋាភិបាលកម្ពុជា–ចិន ហើយបានរួមចំណែកសំខាន់ក្នុងការអភិវឌ្ឍទំនាក់ទំនងទ្វេភាគី។ លោកជាសាក្សី និងអ្នកចូលរួមសំខាន់ក្នុងការកសាងមិត្តភាពដែកថែបនៃយុគសម័យថ្មី។ កិច្ចសហប្រតិបត្តិការក្នុងក្របខណ្ឌឆកោណត្បូងពេជ្របច្ចុប្បន្ន កើតពីការខិតខំរបស់មិត្តចាស់ៗជាច្រើនជំនាន់។
លោក ហោ ណាំហុង បានរំលឹកមិត្តភាពយូរឆ្នាំ និងកិច្ចសហការដ៏ជោគជ័យជាមួយលោក វ៉ាង យី រដ្ឋមន្ត្រីការបរទេសចិន។ លោកចងចាំជាពិសេសពេលលោក វ៉ាង យី ទះស្មា ហើយហៅថា «មិត្តចាស់» និងបានផ្ដាំតាមលោក វ៉ាង វិនពិន ឱ្យជួយជូនការសួរសុខទុក្ខ។
សេចក្ដីរាយការណ៍ចងក្រងដោយស្ថានីយនេះ
