រដ្ឋមន្ត្រីក្រសួងពាណិជ្ជកម្ម ដឹកនាំកិច្ចប្រជុំជាមួយថ្នាក់ដឹកនាំ អគ្គនាយកដ្ឋាន និងមន្ទីរពាណិជ្ជកម្មរាជធានី-ខេត្ត

នៅទីស្តីការក្រសួងពាណិជ្ជកម្ម លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអញ្ជើញដឹកនាំកិច្ចប្រជុំជាមួយថ្នាក់ដឹកនាំ អគ្គនាយកដ្ឋានទទួលបន្ទុក និងមន្ទីរពាណិជ្ជកម្មរាជធានី-ខេត្ត នាថ្ងៃទី៥ ខែមីនា ឆ្នាំ២០២៦ ដើម្បីពិភាក្សាការងារ រួមមាន៖ ១. ពិនិត្យវឌ្ឍនភាពការងាររបស់មន្ទីរពាណិជ្ជកម្មរាជធានី-ខេត្ត ២. ពិភាក្សាអំពីការរៀបចំផែនការសកម្មភាពការងាររយៈពេលខ្លី និងមធ្យម ក្នុងការលើកកម្ពស់ផលិតផលសក្ដានុពល ៣. ជំរុញ និងផ្សព្វផ្សាយយុទ្ធនាការផលិតផលជាតិ នៅតាមបណ្ដារាជធានី-ខេត្ត ៤. បន្តអនុវត្តឱ្យមានប្រសិទ្ធភាព និងជំរុញការផ្សព្វផ្សាយ «សេចក្តីណែនាំស្តីពីការទិញ-លក់ដំឡូងមីស្រស់ និងចំណិតក្រៀម» ឱ្យដល់មូលដ្ឋាន និងឱ្យបានទូលំទូលាយ ៥. ពង្រឹងកិច្ចសហការជាមួយស្ថាប័នពាក់ព័ន្ធ និងវិស័យឯកជន ក្នុងការជំរុញទីផ្សារ។

ដោយ៖ ប៉ៃ សុឃីម