រដ្ឋមន្ត្រីពាណិជ្ជកម្ម ចម និម្មល បានថ្លែងនៅថ្ងៃទី១២ ខែមីនាថា ទីតាំងលក់ប្រេងជិត២០០០កន្លែងទូទាំងប្រទេសបានបិទជាបណ្តោះអាសន្ន។ ស្ថិតិគិតត្រឹមយប់ថ្ងៃទី១១ ខែមីនាបង្ហាញថា ក្នុងចំណោមស្ថានីយ៍ ដេប៉ូ និងទីតាំងចែកចាយប្រេងជាង៦៣០០កន្លែង មានប្រហែល២០០០កន្លែងផ្អាកអាជីវកម្ម។ ម្ចាស់ភាគច្រើនថា អស់ស្តុកប្រេង។ រដ្ឋាភិបាលបានសម្រេចស៊ើបអង្កេតស្ថានភាពជាក់ស្តែង។
លោកជំទាវ ចម និម្មល ថា ស្ថានីយ៍បិទខ្លះអាចរក្សាស្តុកប្រេង ដើម្បីរង់ចាំលក់ពេលតម្លៃឡើង។ មន្ត្រីអនុវត្តច្បាប់ជំនាញត្រូវបានបញ្ជូនទៅពិនិត្យស្តុក និងការលក់នៅទីតាំង ដើម្បីកំណត់ថាតើមានការបំពានឬអត់។
លោកជំទាវថា ប្រសិនបើរកឃើញថា ម្ចាស់ទីតាំងមានប្រេងស្តុកប៉ុន្តែចេតនាមិនលក់ជូនសាធារណជន នឹងប្រឈមការផាកពិន័យតាមច្បាប់ ហើយករណីធ្ងន់ធ្ងរអាចដកហូតអាជ្ញាបណ្ណ។ បើពិតជាអស់ស្តុក រដ្ឋាភិបាលនឹងសម្របសម្រួលជាមួយក្រុមហ៊ុននាំចូល ដើម្បីបំពេញការផ្គត់ផ្គង់ និងធានាដំណើរការធម្មតានៃទីផ្សារប្រេង។
