កម្ពុជាបញ្ជាក់ជំហរព្រំដែន និងការយកចិត្តទុកដាក់ចំពោះពលរដ្ឋនៅបរទេស

រាជរដ្ឋាភិបាលកម្ពុជានៅតែប្រកាន់ជំហរក្នុងការការពារខ្សែព្រំដែនអន្តរជាតិកម្ពុជា-ថៃ ដែលបន្សល់ទុកដោយគណៈកម្មការព្រំដែនឥណ្ឌូចិន-សៀម ដោយគោរពគោលការណ៍ច្បាប់អន្តរជាតិ គោលការណ៍ខ្សែព្រំដែនមិនកែប្រែ គោរពអនុសញ្ញា សន្ធិសញ្ញាបារាំង-សៀម ផែនទី និងកំណត់ហេតុបោះបង្គោលព្រំដែនរបស់គណៈកម្មការបោះបង្គោលព្រំដែនឥណ្ឌូចិន-សៀម ព្រមទាំងកិច្ចព្រមព្រៀង និងឯកសារពាក់ព័ន្ធដែលមានស្រាប់។ កម្ពុជាមិនទទួលស្គាល់ដាច់ខាតនូវការកែប្រែខ្សែព្រំដែនណាមួយដែលកើតចេញពីការប្រើប្រាស់កម្លាំងនោះឡើយ។

ជាមួយគ្នានេះ រាជរដ្ឋាភិបាលក៏យកចិត្តទុកដាក់ចំពោះសុវត្ថិភាពរបស់ប្រជាជននិងនិស្សិតខ្មែរនៅតំបន់មជ្ឈិមបូព៌ា និងជនជាតិខ្មែរនៅក្នុងបណ្តាប្រទេសផ្សេងទៀតផងដែរ។ ទាំងនេះសបញ្ជាក់ពីការគិតគូរគ្រប់ជ្រុងជ្រោយរបស់រាជរដ្ឋាភិបាល ក៏ដូចជាការបញ្ចេញសកម្មភាពជាក់ស្តែង តាមគ្រប់រូបភាព ទាំងក្នុងនិងក្រៅប្រទេស។ នេះបើយោងតាម ឯកឧត្តម ប៉ែន បូណា អ្នកនាំពាក្យរាជរដ្ឋាភិបាលកម្ពុជា៕ អត្ថបទ៖ ឡាយ កុល