សម្តេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានបង្ហាញរូបថតដ៏កម្រមួយសន្លឹក ដែលថតកាលពីឆ្នាំ១៩៧៨ នៅពេលសម្តេចមានអាយុ ២៦ឆ្នាំ។ ការបង្ហាញរូបថតនេះ ត្រូវបានផ្សព្វផ្សាយតាមរយៈ Channel CoolApp ផ្លូវការរបស់សម្តេច នាយប់ថ្ងៃទី៣ ខែកក្កដា ឆ្នាំ២០២៦។
អមជាមួយរូបថតនោះ សម្តេចតេជោបានរំលឹកអនុស្សាវរីយ៍ និងតួនាទីដ៏សំខាន់ក្នុងដំណាក់កាលប្រវត្តិសាស្ត្រមួយរបស់កម្ពុជា ដោយមានប្រសាសន៍ថា៖
«ទើបឃើញរូបថតមួយសន្លឹកដែលថតក្នុងឆ្នាំ១៩៧៨ ដែលពេលនោះមានអាយុ២៦ឆ្នាំ។ ពេលនោះ ខ្ញុំជាថ្នាក់ដឹកនាំខ្ពស់បំផុតនៃកម្លាំងតស៊ូប្រឆាំងរបប ប៉ុល ពត នៅត្រើយខាងកើតទន្លេមេគង្គ គឺជាស្ថាបនិក និងជាមេបញ្ជាការ កងកម្លាំងប្រដាប់អាវុធសាមគ្គីសង្គ្រោះជាតិកម្ពុជា ដែលជាអង្គការចាត់តាំងខាងយោធា មុនពេលបង្កើតអង្គការចាត់តាំងខាងនយោបាយ នាថ្ងៃទី២ ខែធ្នូ ឆ្នាំ១៩៧៨»៕
ដោយ៖ ប៉ៃ សុឃីម
