ការរំឭកចុងក្រោយរបស់កម្ពុជា៖ ការជួញដូររូបិយប័ណ្ណអាចជាប់គំរប "អន្ទាក់" ទាំងនេះ

ថ្មីៗនេះ ធនាគារជាតិកម្ពុជា (ធនាគារកណ្តាល) និងអជ្ញាធរសវនកម្មមូលបត្រ (SERC) បានចេញសេចក្តីថ្លែងការណ៍រួមគ្នាមួយ ដោយរំឭកជាថ្មីដល់សាធារណជនឱ្យប្រុងប្រយ័ត្នក្នុងការចូលរួមការជួញដូរទ្រព្យសកម្មនិម្មិត និងរូបិយប័ណ្ណគ្រីបតូ ព្រមទាំងវាយតម្លៃហានិភ័យឱ្យបានគ្រប់ជ្រុងជ្រោយ ដើម្បីជៀសវាងការខាតបង់សេដ្ឋកិច្ច។
សេចក្តីថ្លែងការណ៍បានបញ្ជាក់ថា យោងតាមច្បាប់ជាធរមានរបស់កម្ពុជា ទ្រព្យសកម្មនិម្មិតមិនមែនជារូបិយប័ណ្ណស្របច្បាប់នោះទេ ហើយក៏មិនត្រូវបានធានាដោយរដ្ឋាភិបាល ឬធនាគារកណ្តាលនោះដែរ។ ដោយសារតម្លៃទ្រព្យសកម្មនិម្មិតមានការប្រែប្រួលយ៉ាងខ្លាំង និងហានិភ័យវិនិយោគខ្ពស់ សាធារណជនមុននឹងចូលរួមការជួញដូរ ឬការវិនិយោគពាក់ព័ន្ធ គួរស្វែងយល់ពីហានិភ័យឱ្យបានច្បាស់លាស់ និងធ្វើការសម្រេចចិត្តដោយផ្អែកលើស្ថានភាពរបស់ខ្លួន។

ភ្នាក់ងារទាំងពីរបានលើកឡើងថា ក្នុងរយៈពេលប៉ុន្មានឆ្នាំចុងក្រោយនេះ ទីផ្សារទ្រព្យសកម្មនិម្មិតបាននិងកំពុងវិវត្តជាបន្តបន្ទាប់ ហើយក្រៅពីការប្រើប្រាស់ជាមធ្យោបាយទូទាត់សម្រាប់ទំនិញ និងសេវាកម្ម វាក៏បានក្លាយជាឧបករណ៍សម្រាប់អ្នកវិនិយោគមួយចំនួនក្នុងការជួញដូរស្របាល់ ដែលជាហេតុធ្វើឱ្យហានិភ័យកាន់តែកើនឡើង។
សេចក្តីថ្លែងការណ៍បានរំឭកជាពិសេសថា ការជួញដូរទ្រព្យសកម្មនិម្មិតអាចពាក់ព័ន្ធនឹងហានិភ័យនៃការក្លែងបន្លំ ការប្រែប្រួលតម្លៃយ៉ាងខ្លាំង ការលាងលុយកខ្វក់ និងការផ្តល់ហិរញ្ញវត្ថុដល់ភេរវកម្ម ការគេចវេសរទម្រង់ទណ្ឌកម្ម និងពន្ធដារ ឧក្រិដ្ឋកម្មតាមអនឡាញ ជាដើម ហើយក៏អាចប៉ះពាល់ដល់ការការពារសិទ្ធិរបស់អ្នកវិនិយោគ និងស្ថិរភាពម៉ាក្រូសេដ្ឋកិច្ច។

ភ្នាក់ងារពាក់ព័ន្ធរបស់កម្ពុជាតាំងពីឆ្នាំ២០១៨មកម៉្លេះ ធ្លាប់បានចេញសេចក្តីព្រមានអំពីហានិភ័យនៃរូបិយប័ណ្ណគ្រីបតូ ហើយបានបញ្ជាក់យ៉ាងច្បាស់ថា ដោយគ្មានការអនុញ្ញាតពីអាជ្ញាធរមានសមត្ថកិច្ចទេ បុគ្គល ឬនីតិបុគ្គលណាមួយមិនត្រូវធ្វើសកម្មភាពវិនិយោគ លក់-ទិញ ជួញដូរ ឬទូទាត់ជាមួយរូបិយប័ណ្ណគ្រីបតូដោយឯកឯងនោះទេ ហើយការរំលោភលើបទបញ្ញត្រូវបានដោះស្រាយតាមច្បាប់។