អគ្គិសនីកម្ពុជាណែនាំបុគ្គលិកឱ្យសន្សំសំចៃ និងកំណត់ម៉ាស៊ីនត្រជាក់ចាប់ពី២៤អង្សាឡើងទៅ
សេចក្ដីណែនាំដល់អង្គភាពរបស់អគ្គិសនីកម្ពុជា លើកឡើងពីការបិទភ្លើង និងម៉ាស៊ីនត្រជាក់ពេលគ្មានអ្នកនៅ ការរួមរថយន្ត និងការប្រជុំតាមអនឡាញបើអាចធ្វើបាន។
ខ្លឹមសារប្រភព
ខណៈពេលមានវិបត្តិប្រេងដែលនៅតែឡើងថ្លៃ ដោយសារសង្គ្រាមនៅមជ្ឈិមបូព៌ា ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយកអគ្គិសនីកម្ពុជា សូមជម្រាបជូនដល់ថ្នាក់ដឹកនាំ និងនិយោជិតកម្មករ គ្រប់នាយកដ្ឋាន-ការិយាល័យ-អង្គភាព-សាខាអគ្គិសនី និងអគ្គិសនីខេត្តទាំងអស់ នៃអគ្គិសនីកម្ពុជាឲ្យបានជ្រាបថា ដើម្បីសន្សំសំចៃថាមពលអគ្គិសនី និងប្រេង ជាពិសេសក្នុងអំឡុងពេលមានវិបត្តិប្រេងឡើងថ្លៃ និងពិបាករក ដោយសារសង្គ្រាមនៅមជ្ឈិមបូព៌ា និងស្របពេលរដូវក្តៅ អគ្គិសនីកម្ពុជា សូមធ្វើការណែនាំដូចខាងក្រោម៖
1. កុំបើកភ្លើង និងម៉ាស៊ីនត្រជាក់ចោលនៅក្នុងការិយាល័យ នៅពេលគ្មានវត្តមានអ្នកធ្វើការ។
2. កុំបើកម៉ាស៊ីនត្រជាក់នៅសីតុណ្ហភាពទាប (ពោលគឺត្រូវកំណត់ចាប់ពី ២៤°C ឡើងទៅ)។
3. កុំបិទវាំងនន ហើយបើកភ្លើងបំភ្លឺច្រើន។
4. ការធ្វើដំណើរចុះបេសកកម្ម ត្រូវប្រើរថយន្តរួមគ្នា ដើម្បីកាត់បន្ថយការប្រើប្រាស់ប្រេង និងបង្កើនប្រសិទ្ធភាព។
5. ការរៀបចំប្រជុំ បើមិនចាំបាច់ សូមប្រើប្រាស់ការប្រជុំតាមអនឡាញ (Online) ដើម្បីកាត់បន្ថយការធ្វើដំណើរបេសកកម្ម។
ដោយ៖ ប៉ៃ សុឃីម
កំណែប្រភព
{
"publishedSourceRevision": "1",
"publishedWorkingVersionId": "14418",
"languageVersionId": "9312",
"visibilityVersion": "2",
"versionToken": "a1.zOYauI4vdXi7VaGnfyityL4mEkTQ1xjtaKOXCy1i9rk"
}ការបញ្ចូលក្នុងបញ្ជីប្រភព មិនមែនជាការបញ្ជាក់ថាព័ត៌មានទាំងអស់ត្រូវបានផ្ទៀងផ្ទាត់ទេ។ សូមពិនិត្យកាលបរិច្ឆេទ និងប្រភពបច្ចុប្បន្នសម្រាប់តម្លៃ គោលនយោបាយ និងការដឹកជញ្ជូន។