ខេត្តព្រះសីហនុ៖ នៅព្រឹកថ្ងៃទី១៦ ខែតុលា ឆ្នាំ២០២៦ លោកឧត្តមសេនីយ៍ត្រី ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុ បានដឹកនាំនាយទាហាន និងនាយទាហានរង ចូលរួមកិច្ចប្រជុំផ្សព្វផ្សាយការងារសោធននិវត្តន៍ឆ្នាំ២០២៧ របស់កងរាជអាវុធហត្ថខេត្តព្រះសីហនុ។
កិច្ចប្រជុំនេះបានប្រព្រឹត្តទៅក្រោមអធិបតីភាពលោកស្រីឧត្តមសេនីយ៍ទោ ហ៊ាង ឆវី មេបញ្ជាការរងកងរាជអាវុធហត្ថលើផ្ទៃប្រទេស និងជាប្រធានក្រុមការងារទី១ ដោយមានការបូកសរុប និងបិទបញ្ចប់ដំណើរការត្រួតពិនិត្យ និងវាយតម្លៃយោធិននៃកងរាជអាវុធហត្ថ ដែលដល់អាយុចូលសោធននិវត្តន៍សម្រាប់ឆ្នាំ២០២៧ និងឆ្នាំ២០២៦។
ពិធីនេះបានរៀបចំឡើងនៅសាលប្រជុំនៃបញ្ជាការដ្ឋានកងរាជអាវុធហត្ថខេត្តព្រះសីហនុ ក្នុងគោលបំណងផ្សព្វផ្សាយការងារពាក់ព័ន្ធនឹងការចូលសោធននិវត្តន៍ និងបូកសរុបលទ្ធផលនៃការត្រួតពិនិត្យ និងវាយតម្លៃយោធិនដែលដល់អាយុកំណត់តាមបទប្បញ្ញត្តិ៕ដោយ៖ ប៉ៃ សុឃីម
