ជនជាប់ឃុំត្រូវបានផ្ទេរចេញពីពន្ធនាគារខេត្តស្វាយរៀង ទៅឃុំបន្តនៅមណ្ឌលអប់រំកែប្រែទី៣ ហើយនៅព្រឹកថ្ងៃទី២២ ខែតុលា ឆ្នាំ២០២៦ក្រោមការសហការរវាងកម្លាំងពាក់ព័ន្ធ ដោយអនុវត្តតាមការអនុញ្ញាតជាគោលការណ៍ពីឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។
ប្រតិបត្តិការនេះត្រូវបានអនុវត្តក្រោមការចង្អុលបង្ហាញពីឯកឧត្តម ឧត្តមអគ្គានុរក្សថ្នាក់លេខ១ ឈន សាណាត អគ្គនាយក នៃអគ្គនាយកដ្ឋានពន្ធនាគារ និងដឹកនាំអនុវត្តផ្ទាល់ដោយលោក ឧត្តមអគ្គានុរក្សថ្នាក់លេខ១ មាន ថាវរិន្ទ ប្រធាននាយកដ្ឋានសន្តិសុខពន្ធនាគារ នៃអគ្គនាយកដ្ឋានពន្ធនាគារ។
ការផ្ទេរជនជាប់ឃុំខាងលើមានការចូលរួមពីនាយកដ្ឋានសន្តិសុខពន្ធនាគារ នាយកដ្ឋានប្រតិបត្តិ ពន្ធនាគារខេត្តស្វាយរៀង មណ្ឌលអប់រំកែប្រែទី៣ និងសមត្ថកិច្ចពាក់ព័ន្ធនៅខេត្តស្វាយរៀង ខេត្តព្រៃវែង និងខេត្តត្បូងឃ្មុំ។
ការដឹកបញ្ជូនត្រូវបានអនុវត្តប្រកបដោយសុវត្ថិភាព ដើម្បីឱ្យជនជាប់ឃុំបន្តការអប់រំកែប្រែ និងស្តារនីតិសម្បទានៅមណ្ឌលអប់រំកែប្រែទី៣៕អត្ថបទដោយ៖ សុភ័ក្រ្ត
