នាថ្ងៃទី២៨ ខែតុលា ឆ្នាំ២០២៦ ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានទទួលជួបជាមួយលោកជំទាវ Silke Röfer ឯកអគ្គរដ្ឋទូតអាល្លឺម៉ង់ប្រចាំកម្ពុជា ដើម្បីពិភាក្សាពីការពង្រឹងកិច្ចសហប្រតិបត្តិការគាំទ្រសហគ្រាសក្នុងស្រុក អភិវឌ្ឍន៍ហេដ្ឋារចនាសម្ព័ន្ធគុណភាព និងជំរុញការវិនិយោគ។
ឯកឧត្តមរដ្ឋមន្ត្រី បានកោតសរសើរដល់រដ្ឋាភិបាលអាល្លឺម៉ង់ចំពោះភាពជាដៃគូដ៏រឹងមាំ តាមរយៈអង្គការ GIZ និងវិទ្យាស្ថានមាត្រាសាស្ត្រជាតិអាល្លឺម៉ង់ (PTB) លើការអភិវឌ្ឍសហគ្រាស ស្តង់ដារ និងមាត្រាសាស្ត្រ៕ ដោយ៖ ស្រីពី
