ថ្មីៗនេះ អគ្គលេខាធិការអាស៊ាន លោក កៅ គឹមហួន បានថ្លែងនៅលេខាធិការដ្ឋានអាស៊ានក្នុងទីក្រុងហ្សាការតា ឥណ្ឌូនេស៊ី អំពីជម្លោះប្រដាប់អាវុធបន្តរវាងកម្ពុជានិងថៃ។ លោកថា អាស៊ានមិនអាចព្រងើយកន្តើយចំពោះជម្លោះរវាងសមាជិកទេ ហើយគួររួមគ្នាទប់ស្កាត់ការកើនឡើងភាពតានតឹង ជួយស្ដារបទឈប់បាញ់ឆាប់ និងនាំភាគីទាំងពីរវិលទៅរកកិច្ចសន្ទនានិងការទូត។
លោកថា ជម្លោះនេះទទួលការយកចិត្តទុកដាក់ខ្ពស់ក្នុងតំបន់និងអន្តរជាតិ ហើយប្រធានប្ដូរវេនអាស៊ាន មេដឹកនាំប្រទេសជាច្រើន និងអគ្គលេខាធិការអង្គការសហប្រជាជាតិបានអំពាវនាវឱ្យបន្ធូរភាពតានតឹងនិងស្ដារបទឈប់បាញ់។ ជម្លោះបន្តបានបង្កផលប៉ះពាល់មនុស្សធម៌ធ្ងន់ធ្ងរដល់ប្រជាជនអាស៊ាន ជាពិសេសជនស៊ីវិលតាមព្រំដែនកម្ពុជា–ថៃ ដែលគួរឱ្យបារម្ភយ៉ាងខ្លាំង។
លោកសង្កត់ធ្ងន់ថា ត្រូវ«ផ្ដល់ឱកាសដល់សន្តិភាព» ដោយគោរពគោលការណ៍ធម្មនុញ្ញអាស៊ាន និងសន្ធិសញ្ញាមិត្តភាពនិងសហប្រតិបត្តិការនៅអាស៊ីអាគ្នេយ៍ ដើម្បីដោះស្រាយជម្លោះដោយសន្តិវិធី និងរក្សាស្ថិរភាពតំបន់។ លោកសរសើរតួនាទីដឹកនាំសម្របសម្រួលរបស់ម៉ាឡេស៊ីជាប្រធានអាស៊ាន និងអំពាវនាវឱ្យកម្ពុជានិងថៃបង្ហាញប្រាជ្ញានយោបាយនិងការអត់ធ្មត់ ដើម្បីរួមគ្នាឆ្លើយតបក្ដីសង្ឃឹមរបស់ប្រជាជនតំបន់ចំពោះសន្តិភាពនិងស្ថិរភាព។
សេចក្ដីរាយការណ៍សរុបរបស់ស្ថានីយនេះ
