នៅថ្ងៃទី៦ ខែមករា ក្រសួងមហាផ្ទៃកម្ពុជាបានបំភ្លឺ និងបដិសេធការអះអាងរបស់សារព័ត៌មានថៃមួយចំនួនថា ទាហានជើងទឹកថៃបានរកឃើញនិងរឹបអូសឃ្លាំងអាវុធកម្ពុជានៅក្នុងកាស៊ីណូ។ ក្រសួងថា ការផ្សាយបែបនេះខុសពីការពិតយ៉ាងធ្ងន់ធ្ងរ មិនស្របស្ថានភាពជាក់ស្ដែង និងនាំឱ្យសាធារណជនយល់ច្រឡំ។
ក្រសួងបញ្ជាក់ថា ទីតាំងនោះមិនមែនកាស៊ីណូទេ តែជាប៉ុស្តិ៍ត្រួតពិនិត្យនគរបាលព្រំដែនគោកច្រកផ្លូវ៥៦ ស្ថិតក្នុងអធិបតេយ្យភាពកម្ពុជា និងជាមូលដ្ឋានអនុវត្តច្បាប់ស្របច្បាប់។ ក្រសួងអំពាវនាវឱ្យភាគីពាក់ព័ន្ធបញ្ឈប់ការផ្សាយព័ត៌មានមិនពិត ដើម្បីជៀសវាងការយល់ច្រឡំ និងភាពតានតឹងមិនចាំបាច់។
របាយការណ៍សរុបដោយស្ថានីយនេះ
