រដ្ឋមន្ត្រីក្រសួងអធិការកិច្ច ដឹកនាំកិច្ចប្រជុំពិនិត្យវឌ្ឍនភាពស៊ើបអង្កេតករណីវិវាទមូលដ្ឋាន ដើម្បីរកដំណោះស្រាយយុត្តិធម៌

ភ្នំពេញ៖ ឯកឧត្តម សុខ សូកេន រដ្ឋមន្ត្រីក្រសួងអធិការកិច្ច បានអញ្ជើញដឹកនាំកិច្ចប្រជុំជាមួយគណៈប្រតិភូអធិការកិច្ច ដើម្បីពិនិត្យ និងពិភាក្សាលើវឌ្ឍនភាពនៃការចុះអង្កេតស្រាវជ្រាវ ករណីសំណើសុំអន្តរាគមន៍របស់ប្រជាពលរដ្ឋ ដែលពាក់ព័ន្ធនឹងវិវាទនៅមូលដ្ឋាន។

កិច្ចប្រជុំនេះ មានគោលបំណងស្វែងរកដំណោះស្រាយប្រកបដោយតម្លាភាព យុត្តិធម៌ និងស្របតាមនីតិវិធីច្បាប់ ដើម្បីឆ្លើយតបទៅនឹងសំណូមពររបស់ប្រជាពលរដ្ឋឱ្យបានទាន់ពេលវេលា និងមានប្រសិទ្ធភាពខ្ពស់។

កិច្ចប្រជុំខាងលើ បានប្រព្រឹត្តទៅដោយមានការចូលរួមពីថ្នាក់ដឹកនាំ និងមន្ត្រីជំនាញពាក់ព័ន្ធ នៅទីស្តីការក្រសួងអធិការកិច្ច នាថ្ងៃទី៦ ខែមករា ឆ្នាំ២០២៦៕

ដោយ៖ KPS99TV