គ្រួសារកងទ័ព និងប្រជាពលរដ្ឋភៀសសឹក ៤៥០គ្រួសារ ទទួលអំណោយពីព្រះចៅអធិការវត្តវារិន្ទព្រែកលៀប

ខេត្តព្រះវិហារ៖ ព្រះពុទ្ធវង្ស សុខ សុខភាព ព្រះរាជាគណៈថ្នាក់ត្រី ព្រះវិន័យធរអនុគណខណ្ឌជ្រោយចង្វារ និងជាព្រះចៅអធិការវត្តវារិន្ទព្រែកលៀប បាននិមន្តដឹកនាំមន្ត្រីសង្ឃ និងព្រះចៅអធិការចំនួន ១៦វត្ត ចុះសួរសុខទុក្ខ និងប្រគល់អំណោយដល់ប្រជាពលរដ្ឋ និងគ្រួសារកងទ័ពដែលបានភៀសសឹក ចំនួន ៤៥០គ្រួសារ។

ពិធីប្រគល់អំណោយនេះ បានប្រព្រឹត្តទៅនៅមណ្ឌលវត្តសំវរសីលា (វត្តបាក់កាំ) ស្ថិតនៅស្រុកត្បែងមានជ័យ ខេត្តព្រះវិហារ នាថ្ងៃទី៨ ខែមករា ឆ្នាំ២០២៦ ដើម្បីជួយសម្រាលការលំបាក និងលើកទឹកចិត្តដល់គ្រួសារកងទ័ព និងប្រជាពលរដ្ឋដែលកំពុងប្រឈមការខ្វះខាតក្នុងអំឡុងពេលភៀសសឹក៕ ដោយ៖ ប៉ៃ សុឃីម