កម្ពុជានាំចេញអង្ករជាង៩៤ម៉ឺនតោននៅឆ្នាំ២០២៥ ក្នុងនោះទៅចិនជាង២៣ម៉ឺនតោន

ឯកអគ្គរដ្ឋទូតចិនប្រចាំកម្ពុជា លោក Wang Wenbin បានលើកឡើងនាពេលថ្មីៗនេះថា ចិនជាមិត្តសំខាន់របស់កម្ពុជា និងជាទីផ្សារគោលដៅសំខាន់មួយសម្រាប់ការនាំចេញអង្ករកម្ពុជា។ ទិន្នន័យបង្ហាញថា ឆ្នាំ២០២៥ កម្ពុជានាំចេញអង្ករសរុប៩៤០.៣២១តោន ក្នុងនោះទៅប្រទេសចិន២៣១.១២៥តោន ដែលមានចំណែកសំខាន់។

ដោយដកស្រង់ទិន្នន័យសហព័ន្ធស្រូវអង្ករកម្ពុជា លោក Wang បានថ្លែងថា ការនាំចេញអង្ករកម្ពុជាឆ្នាំ២០២៥កើនឡើង៤៥ភាគរយធៀបនឹងឆ្នាំមុន និងមានតម្លៃនាំចេញសរុបប្រហែល៦០២លានដុល្លារអាមេរិក។ ក្នុងនោះ ការនាំចេញទៅចិនផ្ដល់ចំណូលប្រហែល១៣៨លានដុល្លារដល់កម្ពុជា ដែលបង្ហាញបន្ថែមពីតួនាទីគន្លឹះរបស់ទីផ្សារចិនក្នុងការនាំចេញអង្ករកម្ពុជា។

រាយការណ៍សរុបដោយស្ថានីយនេះ។