ឃាត់ខ្លួនជនសង្ស័យបរទេស៩នាក់នៅទីតាំងសង្ស័យល្បែងអនឡាញក្នុងភ្នំពេញ

នៅថ្ងៃទី១៨ ខែមីនា គណៈបញ្ជាការឯកភាពរដ្ឋបាលរាជធានីភ្នំពេញបានចុះត្រួតពិនិត្យទីតាំងសង្ស័យល្បែងអនឡាញឆ្លងដែនខុសច្បាប់ នៅសង្កាត់និរោធ ខណ្ឌច្បារអំពៅ។

ជនសង្ស័យ៩នាក់ត្រូវបានឃាត់ខ្លួន រួមមានចិន៨នាក់ និងម៉ាឡេស៊ី១នាក់។ សមត្ថកិច្ចដកហូតទូរស័ព្ទ២៤៧គ្រឿង កុំព្យូទ័រ All-in-One ៨គ្រឿង ធុងកុំព្យូទ័រ២គ្រឿង និងម៉ូនីទ័រ២គ្រឿង។

តាមការវាយតម្លៃបឋមរបស់នគរបាល ទីតាំងនេះប្រតិបត្តិការល្បែងអនឡាញផ្ដោតលើទីផ្សារក្រៅប្រទេស រួមមានម៉ាឡេស៊ី សិង្ហបុរី និងចិន។ ជនសង្ស័យទាំង៩ និងវត្ថុតាងត្រូវបានបញ្ជូនទៅនគរបាលរាជធានីភ្នំពេញ ដើម្បីស៊ើបអង្កេតបន្ត។