ទិដ្ឋភាពថ្ងៃរះនៅអំឡុងសមរាត្រីអង្គរវត្ត ទាក់ទាញភ្ញៀវជាតិ និងអន្តរជាតិ

នៅព្រឹកព្រលឹមថ្ងៃទី២២ ខែមីនា ឆ្នាំ២០២៦ ទិដ្ឋភាពថ្ងៃរះនៅអំឡុងសមរាត្រី (Equinox) ក្នុងរដូវប្រាំង បានកើតឡើងនៅប្រាសាទអង្គរវត្ត ដោយទាក់ទាញភ្ញៀវទេសចរជាតិ និងអន្តរជាតិជាច្រើន មកប្រមូលផ្តុំយ៉ាងកុះករ ដើម្បីទស្សនា និងផ្តិតយកទិដ្ឋភាពដ៏អស្ចារ្យមួយនេះ។

ក្នុងឱកាសនេះផងដែរ ព្រះអាទិត្យរះត្រង់ស្របជាមួយកំពូលប្រាង្គកណ្តាលនៃប្រាសាទអង្គរវត្ត បង្កើតបានជាទស្សនីយភាពអេកូឡូស៊ី និងស្ថាបត្យកម្មដ៏អស្ចារ្យ ដែលមានតម្លៃខ្ពស់ទាំងផ្នែកវប្បធម៌ និងទេសចរណ៍។ ទិដ្ឋភាពពិសេសនេះ គឺកើតមានត្រឹមពីរដងប៉ុណ្ណោះក្នុងមួយឆ្នាំ និងទាក់ទាញការចាប់អារម្មណ៍ពីភ្ញៀវទេសចរជុំវិញពិភពលោកមកជាបន្តបន្ទាប់។

ព្រឹត្តិការណ៍សមរាត្រីនៅអង្គរវត្ត មិនត្រឹមតែបង្ហាញពីភាពអស្ចារ្យនៃបេតិកភណ្ឌវប្បធម៌ខ្មែរ ប៉ុណ្ណោះទេ ប៉ុន្តែថែមទាំងបញ្ជាក់ពីសមត្ថភាពរចនាស្ថាបត្យកម្មដ៏ចម្រើនរបស់បុព្វបុរសខ្មែរ ដែលអាចបញ្ចូលវិទ្យាសាស្ត្រនិងធម្មជាតិចូលគ្នាបានយ៉ាងល្អឥតខ្ចោះ។ ដោយ៖ KPS99TV