ស្ថានទូតអាម៉េរិកប្រចាំកម្ពុជាបានផ្សព្វផ្សាយនៅថ្ងៃទី២៦ ខែមីនាថា ពិព័រណ៍ក្រោមចំណងជើង “Vishnu’s Cosmic Ocean” ដែលមានបដិមាព្រះវិស្ណុរបស់កម្ពុជា បានបើកឱ្យទស្សនានៅសារមន្ទីរសិល្បៈអាស៊ី Smithsonian ក្នុងរដ្ឋធានីវ៉ាស៊ីនតោន។
បដិមាដ៏ធំមួយនៃអាស៊ីអាគ្នេយ៍នេះ ត្រូវបានខ្ចីពីសារមន្ទីរជាតិកម្ពុជា។
របាយការណ៍ក៏ថា តំណាងក្រសួងវប្បធម៌ និងវិចិត្រសិល្បៈកម្ពុជាបានចូលរួមក្នុងពិធីបើកពិព័រណ៍។
ស្ថានទូតបានអញ្ជើញសាធារណជនទៅទស្សនាមុនថ្ងៃទី៧ ខែកញ្ញា ឆ្នាំ២០២៦ ដោយចាត់ទុកថាជាឱកាសដ៏កម្រក្នុងការកោតសរសើរស្នាដៃសិល្បៈ និងរំលឹកភាពជាដៃគូជាច្រើនទសវត្សរ៍។ ដោយ៖ ប៉ៃ សុឃីម។
