នគរបាលបាត់ដំបងថា ស៊ីវ ជ័យសិដ្ឋ បានសារភាពថាខ្លួនជាអ្នកបើករថយន្តតែម្នាក់ក្នុងគ្រោះថ្នាក់បណ្តាលឱ្យស្លាប់និងរបួស

អ្នកនាំពាក្យនៃស្នងការដ្ឋាននគរបាលខេត្តបាត់ដំបង មានកិត្តិយសសូមជម្រាបជូនសាធារណជនឲ្យបានជ្រាបថា ដោយមានការសហការពីក្រុមគ្រួសាររបស់ជនសង្ស័យឈ្មោះ ស៊ីវ ជ័យសិដ្ឋ ភេទប្រុស ជាមួយសមត្ថកិច្ចនគរបាល នៅវេលាម៉ោង ១៥ និង ៤៥នាទី រសៀលថ្ងៃទី០១ ខែមេសា ឆ្នាំ២០២៦ នេះ ពួកគាត់បាននាំខ្លួនឈ្មោះ ស៊ីវ ជ័យសិដ្ឋ មកប្រគល់ឱ្យសមត្ថកិច្ច នៃស្នងការដ្ឋាននគរបាលខេត្តបាត់ដំបង ដើម្បីធ្វើការសាកសួរ ពាក់ព័ន្ធករណីគ្រោះថ្នាក់ចរាចរណ៍ លើផ្លូវជាតិលេខ៥ ចំណុចភូមិកកោះ ឃុំកកោះ ស្រុកមោងឫស្សី ខេត្តបាត់ដំបង បណ្តាលឲ្យស្លាប់ជនរងគ្រោះចំនួន ០៥នាក់។

ក្រោយធ្វើការសាកសួរ ជនសង្ស័យបានឆ្លើយសារភាពថា រូបគេតែម្នាក់គត់ ដែលបានបើករថយន្តបង្កគ្រោះថ្នាក់ បណ្តាលឲ្យមានអ្នកស្លាប់ និងរបួស។ ដោយ៖ KPS99TV