អភិបាលខេត្តកណ្ដាលពិនិត្យគម្រោងច្រាំងស្ទឹងព្រែកត្នោត និងជំរុញគុណភាពនិងសុវត្ថិភាព

កណ្ដាល៖ នៅថ្ងៃទី០២ ខែមេសា ឆ្នាំ២០២៦ ឯកឧត្តម គួច ចំរើន អភិបាលខេត្តកណ្ដាល រួមជាមួយមន្ទីរជំនាញពាក់ព័ន្ធ និងអាជ្ញាធរក្រុងតាខ្មៅ បានចុះត្រួតពិនិត្យទីតាំងការដ្ឋានសាងសង់ និងគម្រោងកែលម្អច្រាំងស្ទឹងព្រែកត្នោត ប៉ែកខាងត្បូងស្ទឹង ស្ថិតក្នុងសង្កាត់តាខ្មៅ ក្រុងតាខ្មៅ ខេត្តកណ្ដាល។

ក្នុងឱកាសនោះ ឯកឧត្តម បានណែនាំដល់ក្រុមការងារសាងសង់ ឱ្យយកចិត្តទុកដាក់ខ្ពស់ក្នុងការអនុវត្តគម្រោង ដោយត្រូវគោរពតាមបទដ្ឋានបច្ចេកទេសយ៉ាងម៉ឺងម៉ាត់ ដើម្បីធានាសុវត្ថិភាព និងគុណភាពសំណង់ឱ្យបានរឹងមាំប្រកបដោយប្រសិទ្ធភាព។ ជាមួយគ្នានេះ ក៏បានជំរុញឱ្យបញ្ចប់ការសាងសង់ឱ្យបានទាន់ពេលវេលាតាមផែនការដែលបានកំណត់។

តាមការបញ្ជាក់ពីមន្ត្រីជំនាញបច្ចេកទេស គម្រោងកែលម្អច្រាំងស្ទឹងព្រែកត្នោតនេះ កំពុងដំណើរការសាងសង់យ៉ាងរលូន ដោយគ្មានឧបសគ្គរំខាន ហើយរំពឹងថានឹងបញ្ចប់តាមកាលវិភាគដែលបានគ្រោងទុកក្នុងពេលឆាប់ៗខាងមុខនេះ៕

ប្រភព៖ រដ្ឋបាលខេត្តកណ្ដាល

ដោយ៖ KPS99TV