បន្ទាប់ពីមានការផ្សព្វផ្សាយក្នុងបណ្តាញសង្គមទាក់ទងនឹងករណីលួចនាំបារីឆ្លងដែនខុសច្បាប់ចូលទៅប្រទេសថៃ ស្ថិតក្នុងភូមិដូង ឃុំបឹងរាំង ស្រុកកំរៀង ខេត្តបាត់ដំបង នៅពេលនេះ អ្នកនាំពាក្យស្នងការដ្ឋាននគរបាលខេត្តបាត់ដំបង ចេញបញ្ជាក់យ៉ាងច្បាស់ថា ពិតជាកើតករណីនេះពិតមែន ឥឡូវសមត្ថកិច្ចកំពុងបន្តនីតិវិធីច្បាប់។
តាមសេចក្តីប្រកាសព័ត៌មានរបស់ស្នងការដ្ឋាននគរបាលខេត្តបាត់ដំបង នៅថ្ងៃទី០៨ ខែមេសា បានអះអាងថា នៅពេលនេះបានកត់សម្គាល់ឃើញមានការផ្សព្វផ្សាយក្នុងបណ្តាញសង្គមទាក់ទងនឹងករណីលួចនាំបារីឆ្លងដែនដោយខុសច្បាប់ចូលទៅក្នុងប្រទេសថៃ ស្ថិតក្នុងភូមិដូង ឃុំបឹងរាំង ស្រុក កំរៀង ខេត្តបាត់ដំបង ដែលក្នុងនោះមានទាំងរូបភាពផង។ ជុំវិញករណីនេះ អ្នកនាំពាក្យស្នងការដ្ឋាននគរបាលខេត្តបាត់ដំបង បានបញ្ជាក់ថា ករណីដែលបានផ្សព្វផ្សាយនេះពិតជាកើតមានមែននៅចំណុចខាងលើ ពេលនេះសមត្ថកិច្ចនគរបាលកំពុងបន្តនីតិវិធីស្របតាមជំនាញនិងច្បាប់៕
ដោយ៖ ង៉ែត ពិសាន្ត
