ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងប្រធានសហភាពសហព័ន្ធយុវជនកម្ពុជា អញ្ជើញជាអធិបតីក្នុងពិធីប្រុងពលី និងពិធីទទួលទេវតាឆ្នាំថ្មី ឆ្នាំមមី អដ្ឋស័ក។ តាមប្រពៃណី ពេលទេវតាឆ្នាំថ្មីយាងចុះគឺនៅថ្ងៃអង្គារ ១២រោច ខែចេត្រ ត្រូវនឹងថ្ងៃទី១៤ ខែមេសា ឆ្នាំ២០២៦ វេលាម៉ោង១០:៤៨នាទីព្រឹក។
តាមរឿងរ៉ាវប្រពៃណី ទេវតាឆ្នាំថ្មីព្រះនាម រាក្យសាទេវី ជារាជបុត្រីទី៣នៃកបិលមហាព្រហ្ម គង់នៅចាតុម្មហារាជិកា។ ព្រះនាងទ្រង់អម្ពរពណ៌ខ្មៅ លម្អព្រះកាណ៌ដោយសៀតផ្កាឈូក អភរណៈកែវមណីរា និងសោយលោហិតជាភក្សាហារ។ ព្រះហស្តស្តាំទ្រង់ត្រីសូល៍ ព្រះហស្តឆ្វេងទ្រង់ធ្នូ ហើយគង់ឈរបើកព្រះនេត្រលើខ្នងមនោម័យ ដែលជាសេះ ជាមគ្គពាហនៈ។ ដោយ៖ ប៉ៃ សុឃីម
