ឧត្តមសេនីយ៍ឯក រ័ត្ន ស្រ៊ាង ពិនិត្យស្តង់អាវុធហត្ថរាជធានីភ្នំពេញ និងការផ្សព្វផ្សាយលេខ១២៩១ ក្នុងនគរសង្ក្រាន្ត២០២៦

តាមសេចក្ដីរាយការណ៍ នៅថ្ងៃទី១៣ ខែមេសា ឆ្នាំ២០២៦ ឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ បានដឹកនាំមេបញ្ជាការរង និងមេបញ្ជាការមូលដ្ឋានអាវុធហត្ថខណ្ឌទាំង១៤ ចុះពិនិត្យស្តង់ពិព័រណ៍ផ្សព្វផ្សាយអំពីតួនាទី ភារកិច្ច និងសកម្មភាពការងាររបស់អង្គភាព ព្រមទាំងលេខទូរស័ព្ទអន្តរាគមន៍បន្ទាន់១២៩១ ដល់ភ្ញៀវទេសចរជាតិនិងអន្តរជាតិ។ ស្តង់នេះស្ថិតក្នុងព្រឹត្តិការណ៍នគរសង្ក្រាន្ត អំឡុងបុណ្យចូលឆ្នាំថ្មីប្រពៃណីជាតិខ្មែរ ដែលគ្រោងប្រព្រឹត្តពីថ្ងៃទី១៤ដល់១៩ ខែមេសា ឆ្នាំ២០២៦ នៅសួនមុនីហទ័យ (ស្ពាននាគ វត្តភ្នំ) ផ្លូវលេខ៥១ កែងផ្លូវលេខ១០៦ រាជធានីភ្នំពេញ។

កងរាជអាវុធហត្ថរាជធានីភ្នំពេញសូមអញ្ជើញប្រជាពលរដ្ឋ និងភ្ញៀវទេសចរជាតិនិងអន្តរជាតិចូលរួមទស្សនាស្តង់ និងលេងល្បែងកម្សាន្ត ដើម្បីមានឱកាសទទួលរង្វាន់ជាច្រើន។

ដោយ៖ សុខ ស៊ីណាន