អគ្គនាយកដ្ឋានអន្តោប្រវេសន៍ត្រូវបានរាយការណ៍ថាទទួលជនបរទេស ៩៩៤នាក់ ដើម្បីបន្តនីតិវិធីច្បាប់

បើយោងតាមអគ្គនាយកដ្ឋានអន្តោប្រវេសន៍ បានឱ្យដឹងថា នៅថ្ងៃទី១០ ខែឧសភា ឆ្នាំ២០២៦ កម្ពុជាបានទទួលជនបរទេសសរុបចំនួន ៩៩៤នាក់ ក្នុងនោះស្រី ៧៤នាក់ យកទៅស្នាក់នៅមណ្ឌលត្រៀមបណ្តេញចេញបាទី ដើម្បីបន្តនីតិវិធីតាមផ្លូវច្បាប់។

ជនបរទេសទាំងនេះ ត្រូវបានបញ្ជូនមកពីស្នងការដ្ឋាននគរបាលខេត្តបន្ទាយមានជ័យ ខេត្តពោធិ៍សាត់ និងខេត្តព្រះសីហនុ ពាក់ព័ន្ធនឹងបទល្មើសឆបោកតាមប្រព័ន្ធបច្ចេកវិទ្យា (Online Scams) ការស្នាក់នៅខុសច្បាប់ និងករណីអនុវត្តទោសចប់។

ប្រភពដដែលបានរាយបញ្ជីជនបរទេសទាំង ៩៩៤នាក់ តាមប្រភេទសញ្ជាតិ ឬទីកន្លែងប្រភពចំនួន១៦ រួមមាន ចិន ចិនតៃវ៉ាន់ ឥណ្ឌូនេស៊ី ថៃ មីយ៉ាន់ម៉ា ឡាវ ហ្វីលីពីន វៀតណាម ប៉ាគីស្ថាន បង់ក្លាដេស នេប៉ាល់ ឥណ្ឌា កេនយ៉ា ហ្គាណា លីបេរីយ៉ា និងកូរ៉េខាងត្បូង។ ដោយ៖ ប៉ៃ សុឃីម