ក្រសួងពាណិជ្ជកម្ម៖ មកដល់ពេលនេះ យុទ្ធនាការផលិតផលជាតិ #MadeInCambodia ក្រោមការសម្របសម្រួលរបស់ក្រសួងពាណិជ្ជកម្ម បានទទួលការចូលរួមយ៉ាងសកម្មពីផ្សារទំនើប ម៉ាត និងមីនីម៉ាតជាង ៦០០ ទីតាំង នៅទូទាំងប្រទេស ដែលបានរួមគ្នាគាំទ្រ និងលើកកម្ពស់ផលិតផលខ្មែរ។
យុទ្ធនាការនេះមានគោលបំណងជំរុញការប្រើប្រាស់ និងការដាក់តាំងលក់ផលិតផលក្នុងស្រុក ព្រមទាំងបង្កើនឱកាសនាំផលិតផលជាតិទៅកាន់ទីផ្សារកាន់តែទូលំទូលាយ។ ជាមួយនឹងសារដ៏មានអត្ថន័យថា "ការស្រទ្បាញ់ផលិតផលជាតិ ទឹកចិត្តនៃក្តីស្រទ្បាញ់ចំពោះ កសិករខ្មែរនិងផលិតករខ្មែរ និងស្មារតីស្រទ្បាញ់ជាតិមាតុភូមិរបស់យើង!” យុទ្ធនាការនេះកំពុងក្លាយជាចលនារួមរបស់ប្រជាពលរដ្ឋ និងវិស័យឯកជនក្នុងការលើកស្ទួយសេដ្ឋកិច្ចជាតិ។
កម្មវិធីនេះត្រូវបានរៀបចំ ១សប្តាហ៍ក្នុងមួយខែ រយៈពេលពេញ១ឆ្នាំ ដើម្បីផ្សព្វផ្សាយ និងបង្ហាញផលិតផលជាតិឱ្យកាន់តែលេចធ្លោ ព្រមទាំងជំរុញឱ្យមានការដាក់លក់ផលិតផលខ្មែរកាន់តែច្រើននៅតាមផ្សារទំនើប ម៉ាត និងមីនីម៉ាតទូទាំងប្រទេស។
«គាំទ្រផលិតផលខ្មែរ គឺជាការចូលរួមកសាងសេដ្ឋកិច្ចជាតិ និងលើកទឹកចិត្តដល់កសិករ និងផលិតករខ្មែរឱ្យកាន់តែរីកចម្រើន»៕ ដោយ៖ ប៉ៃ សុឃីម
