(ចិន) ៖ ជំនួបពិភាក្សាការងាររវាង ឯកឧត្តម ស៊ុន ចាន់ថុល (ឧបនាយករដ្ឋមន្ត្រី និងជាអនុប្រធានទី១ ក.អ.ក.) ព្រមទាំងឯកឧត្តម ប៉េង ពោធិ៍នា ជាមួយគណៈគ្រប់គ្រងជាន់ខ្ពស់ក្រុមហ៊ុន CCECC ដឹកនាំដោយលោក Wang Xiangdong។
កាលបរិច្ឆេទ និងទីកន្លែង៖ រសៀលថ្ងៃទី២៩ ខែមិថុនា ឆ្នាំ២០២៦ នៅរដ្ឋធានីប៉េកាំង សាធារណរដ្ឋប្រជាមានិតចិន។
លោក Wang Xiangdong បានជម្រាបថា CCECC គឺជាសហគ្រាសរដ្ឋខ្នាតធំរបស់ចិន ដែលមានបទពិសោធន៍ខ្ពស់ក្នុងការសាងសង់ហេដ្ឋារចនាសម្ព័ន្ធធំៗ (ស្ពាន ថ្នល់ ផ្លូវដែក អាកាសយានដ្ឋាន និងតំបន់សួនឧស្សាហកម្ម)។
វឌ្ឍនភាពគម្រោង៖ ក្រុមហ៊ុនកំពុងសហការជាមួយភាគីកម្ពុជា លើគម្រោងទំនើបកម្មប្រព័ន្ធដឹកជញ្ជូន ហើយការសិក្សាសមិទ្ធិលទ្ធភាព (Feasibility Study) នឹងត្រូវបញ្ចប់នាពេលខាងមុខ។
ឯកឧត្តម ស៊ុន ចាន់ថុល បានវាយតម្លៃខ្ពស់ចំពោះ CCECC និងកំពុងរង់ចាំពិនិត្យលទ្ធផលនៃការសិក្សានេះ។ ទន្ទឹមនឹងនេះ ឯកឧត្តមបានជំរុញឱ្យក្រុមហ៊ុនបន្តពង្រីកការវិនិយោគលើវិស័យអាទិភាពផ្សេងៗទៀតនៅកម្ពុជា ដើម្បីជួយជំរុញកំណើនសេដ្ឋកិច្ច និងបង្កើតការងារជូនប្រជាពលរដ្ឋ ស្របតាមយុទ្ធសាស្ត្របញ្ចកោណ៕
ដោយ ៖ ឡាយ កុល
