កាលពីថ្ងៃទី៥ ខែកក្កដា ឆ្នាំ២០២៦ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ បានអញ្ជើញទស្សនា និងពិនិត្យស្ថានភាពជាក់ស្តែងនៅចម្ការតាខ្នា ខេត្តកំពង់ធំ ដោយការអភិវឌ្ឍផលិតផលទេសចរណ៍ថ្មីៗនេះ បានផ្សារភ្ជាប់ជាមួយធនធានធម្មជាតិ វប្បធម៌ កសិកម្ម គឺជាទិសដៅដ៏សំខាន់ក្នុងការធ្វើពិពិធកម្មផលិតផលទេសចរណ៍របស់កម្ពុជា ដើម្បីបំពេញតម្រូវការរបស់ភ្ញៀវទេសចរដែលចង់ស្វែងរកបទពិសោធន៍ថ្មីៗ និងមានអត្ថន័យ។
ក្នុងឱកាសនោះ ឯកឧត្តមរដ្ឋមន្ត្រី បានស្តាប់បទបង្ហាញពីអ្នកគ្រប់គ្រងចម្ការ និងអ្នកពាក់ព័ន្ធ អំពីការដាំដុះ ការថែទាំ និងផែនការអភិវឌ្ឍចម្ការតាខ្នា ព្រមទាំងបានពិនិត្យមើលសក្តានុពលនៃការផ្សារភ្ជាប់វិស័យកសិកម្មជាមួយវិស័យទេសចរណ៍ តាមរយៈការបង្កើតបទពិសោធន៍ទេសចរណ៍បែបកសិទេសចរណ៍ (Agri-Tourism) ដែលអាចទាក់ទាញភ្ញៀវទេសចរជាតិ និងអន្តរជាតិ៕
ប្រភព៖ ក្រសួងទេសចរណ៍
ដោយ៖ ធី លីថូ
