អគ្គមេបញ្ជាការកងទ័ពម៉ាឡេស៊ី ចុះពិនិត្យការងារក្រុមអ្នកសង្កេតការណ៍អាស៊ាន នៅខេត្តបន្ទាយមានជ័យ

ខេត្តបន្ទាយមានជ័យ៖ នារសៀលថ្ងៃទី៨ ខែកក្កដា ឆ្នាំ២០២៦ អគ្គមេបញ្ជាការកងទ័ពម៉ាឡេស៊ី នាយឧត្តមសេនីយ៍ តាន់ស្រ៉ី ដាតុ សេរី ហាជី ម៉ាលេក រ៉ាសាក់ ប៊ីន ស៊ុយឡាយម៉ាន បានដឹកនាំគណៈប្រតិភូជាន់ខ្ពស់ អញ្ជើញទៅកាន់ខេត្តបន្ទាយមានជ័យ ដើម្បីស្តាប់បទបង្ហាញពីសកម្មភាព និងវឌ្ឍនភាពការងាររបស់ក្រុមអ្នកសង្កេតការណ៍អាស៊ាន (AOT) ដែលកំពុងបំពេញបេសកកម្មនៅក្នុងខេត្ត។

ដំណើរទស្សនកិច្ចនេះ ធ្វើឡើងក្នុងឱកាសដែលអគ្គមេបញ្ជាការកងទ័ពម៉ាឡេស៊ី កំពុងបំពេញទស្សនកិច្ចផ្លូវការនៅកម្ពុជា ចាប់ពីថ្ងៃទី៨ ដល់ថ្ងៃទី១១ ខែកក្កដា ឆ្នាំ២០២៦ ដើម្បីពង្រឹងកិច្ចសហប្រតិបត្តិការយោធា និងជំរុញទំនាក់ទំនងដ៏ល្អរវាងកងទ័ពនៃប្រទេសទាំងពីរ៕

ដោយ៖ ប៉ៃ សុឃីម