មូលដ្ឋានសមុទ្ររាម បើកកិច្ចប្រជុំរៀបចំផែនការត្រៀមរៀបចំ «សមយុទ្ធនាគមាស ឆ្នាំ២០២៦»

នាព្រឹកថ្ងៃទី០៥ ខែវិច្ឆិកា ឆ្នាំ២០២៦ លោកឧត្តមនាវីទោ ឆុង ស៊ីដេត មេបញ្ជាការរង និងជានាយសេនាធិការ មូលដ្ឋានសមុទ្ររាម បានអញ្ជើញជាអធិបតីដឹកនាំកិច្ចប្រជុំក្រុមការងារ ដើម្បីត្រៀមរៀបចំផែនការអនុវត្ត «សមយុទ្ធនាគមាស ឆ្នាំ២០២៦»។

កិច្ចប្រជុំនេះ បានប្រព្រឹត្តទៅនៅអគារប្រចាំការល្បាតរួម ស្ថិតក្នុងមូលដ្ឋានសមុទ្ររាម ដោយមានការចូលរួមពីមន្ត្រីពាក់ព័ន្ធជាច្រើនរូប ក្នុងគោលបំណងរៀបចំផែនការសកម្មភាព និងបង្កើនប្រសិទ្ធភាពការងារត្រៀមលក្ខណៈឱ្យបានល្អិតល្អន់បំផុត សម្រាប់សមយុទ្ធនាពេលខាងមុខនេះ៕ ដោយ៖ ប៉ៃ សុឃីម