នគរបាលរាជធានីភ្នំពេញបានចុះឆែកទីតាំងមួយនៅខណ្ឌច្បារអំពៅ ដោយឃាត់ខ្លួនបុរសជនជាតិវៀតណាមពីរនាក់ និងដកហូតឧបករណ៍អេឡិចត្រូនិក ព្រមទាំងសម្ភារដែលសង្ស័យថាប្រើក្នុងការប្រព្រឹត្តបទល្មើស។
តាមការស៊ើបអង្កេតបឋមរបស់នគរបាល ជនសង្ស័យបានពាក់ព័ន្ធអស់រយៈពេលយូរក្នុងល្បែងអនឡាញ ការវិនិយោគក្លែងក្លាយ និងការក្លែងឯកសារ ដោយប្រើបណ្តាញសង្គមបញ្ចុះបញ្ចូលមនុស្សឱ្យផ្ទេរប្រាក់។
បុរសទាំងពីរកំពុងត្រូវនគរបាលរាជធានីសាកសួរ ហើយសំណុំរឿងនឹងបញ្ជូនទៅអយ្យការតាមលទ្ធផលស៊ើបអង្កេត។ នគរបាលបានអំពាវនាវឱ្យសាធារណជនប្រុងប្រយ័ត្នចំពោះការឆបោកតាមអនឡាញ។
រាយការណ៍សរុបដោយស្ថានីយទូរទស្សន៍យើងខ្ញុំ
