កាលពីពេលថ្មីៗនេះ កងទ័ពជើងទឹកថៃបានទប់ស្កាត់ករណីលួចចេញពីប្រទេសនៅតាមព្រំដែន ដោយឃាត់ខ្លួនជនជាតិចិន៦នាក់នៅពេលពួកគេកំពុងប៉ុនប៉ងឆ្លងដែនខុសច្បាប់ទៅកម្ពុជា។ យោធាបានឱ្យដឹងថា ករណីនេះត្រូវបានសង្ស័យថា ពាក់ព័ន្ធនឹងបណ្តាញឧក្រិដ្ឋកម្មឆ្លងដែន និងក្រុមឆបោកតាមប្រព័ន្ធទូរគមនាគមន៍។ យោធាថា អ្នកពាក់ព័ន្ធបានព្យាយាមគេចពីការត្រួតពិនិត្យ ហើយលួចចេញទៅកម្ពុជា ដោយឆ្លៀតពេលដែលមានមនុស្សធ្វើដំណើរច្រើន និងមន្ត្រីព្រំដែនមានការងារមមាញឹកក្នុងអំឡុងថ្ងៃឈប់សម្រាកចូលឆ្នាំ។
បច្ចុប្បន្ន ករណីនេះកំពុងស្ថិតក្នុងការស៊ើបអង្កេតបន្ថែម ហើយអាជ្ញាធរពាក់ព័ន្ធកំពុងស្រាវជ្រាវថា តើមានការពាក់ព័ន្ធនឹងបណ្តាញឧក្រិដ្ឋកម្មឆ្លងដែនដែលមានទំហំធំជាងនេះឬយ៉ាងណា។
រាយការណ៍សរុបដោយស្ថានីយ៍យើង
