ទូរទស្សន៍ខេត្តព្រះសីហនុ ថ្ងៃទី១០ ខែកក្កដា ព័ត៌មាន៖ ថ្ងៃនេះ ប្រធានព្រឹទ្ធសភាកម្ពុជា ហ៊ុន សែន បានជួបពិភាក្សាជាមួយឯកអគ្គរដ្ឋទូតបារាំងប្រចាំកម្ពុជា លោក Jacques Pellet។ បារាំងបានបង្ហាញឆន្ទៈក្នុងការផ្តល់ឯកសារពាក់ព័ន្ធនឹងបញ្ហាព្រំដែនរបស់កម្ពុជា ដើម្បីគាំទ្រកម្ពុជាក្នុងការដោះស្រាយជម្លោះតាមរយៈច្បាប់អន្តរជាតិ និងយុត្តាធិការអន្តរជាតិ។ កិច្ចប្រជុំនេះបានធ្វើឡើងនៅព្រឹទ្ធសភារាជធានីភ្នំពេញ ខណៈដែលឯកអគ្គរដ្ឋទូត Pellet បញ្ចប់អាណត្តិការងារ និងចាកចេញពីតំណែង។
ឯកអគ្គរដ្ឋទូត Pellet បានរំលឹកឡើងវិញនូវកិច្ចសហប្រតិបត្តិការការទូតរបស់លោកជាមួយកម្ពុជាអស់រយៈពេល៣០ឆ្នាំមកហើយ និងបានសរសើរសមិទ្ធផលអភិវឌ្ឍន៍របស់កម្ពុជា។ លោកបានថ្លែងថា កម្ពុជា និងបារាំងនឹងបន្តពង្រឹងកិច្ចសហប្រតិបត្តិការលើវិស័យសុខាភិបាល ច្បាប់ សេដ្ឋកិច្ច អប់រំ ការពារជាតិ ធារាសាស្ត្រ និងការអភិរក្សសម្បត្តិវប្បធម៌ ព្រមទាំងជំរុញការផ្លាស់បូរក្នុងក្របខ័ណ្ឌសហប្រតិបត្តិការប្រទេសនិយាយភាសាបារាំង។ ប្រធានាធិបតីបារាំង លោក Macron គ្រោងនឹងធ្វើទស្សនកិច្ចនៅកម្ពុជាក្នុងឆ្នាំ២០២៦ ដើម្បីចូលរួមកិច្ចប្រជុំកំពូលប្រទេសនិយាយភាសាបារាំង។
ប្រធានព្រឹទ្ធសភា ហ៊ុន សែន បានថ្លែងអំណរគុណចំពោះការគាំទ្ររយៈពេលយូរអង្វែងរបស់បារាំង ជាពិសេសលើវិស័យការអភិរក្សសម្បត្តិវប្បធម៌ និងការវិនិយោគ ព្រមទាំងបានស្នើឱ្យពង្រឹងកិច្ចសហប្រតិបត្តិការពាក់ព័ន្ធ រួមទាំងការផ្សព្វផ្សាយភាសាបារាំង។ លោកបានរំលឹកឡើងវិញនូវជំហររបស់កម្ពុជាក្នុងការដោះស្រាយជម្លោះព្រំដែនដោយសន្តិភាព និងទន្ទឹងរង់ចាំបារាំងផ្តល់ឯកសារព្រំដែនពាក់ព័ន្ធ ដើម្បីជួយដោះស្រាយបញ្ហាឱ្យបានត្រឹមត្រូវ។
អ្នកសារព័ត៌មាន៖ Nget Pisan
អ្នកកែសម្រួល៖ Yaguang Xiao
