នាព្រឹកថ្ងៃទី៦ ខែតុលា ឆ្នាំ២០២៦ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានអញ្ជើញទទួលជួបពិភាក្សាការងារជាមួយ លោកស្រី Stefania Dina នាយិកាទទួលបន្ទុកកសិកម្ម ស្បៀងអាហារ ធម្មជាតិ និងអភិវឌ្ឍន៍ជនបទ(AFNR) នៃធនាគារអភិវឌ្ឍន៍អាស៊ី(ADB)នៅទីស្តីការក្រសួងកសិកម្ម រុក្ខាប្រមាញ់ និងនេសាទ។
ក្នុងឱកាសនោះ ភាគីទាំងពីរ បានផ្លាស់ប្តូរទស្សនៈ និងពិភាក្សាអំពីលទ្ធភាពនៃការពង្រឹងនិងពង្រីកកិច្ចសហប្រតិបត្តិការបន្ថែម តាមរយៈគម្រោងមានស្រាប់ និងគំនិតផ្តួចផ្តើមថ្មីៗ ស្របតាមអាទិភាពសំខាន់ៗសំដៅជំរុញអភិវឌ្ឍន៍ទំនើបកម្មកសិកម្ម និងបង្ហាញពីការប្តេជ្ញាចិត្តក្នុងការជំរុញការតភ្ជាប់ខ្សែច្រវាក់ផលិតកម្មកសិកម្ម និងការលើកកម្ពស់ជីវភាពប្រជាពលរដ្ឋ៕ដោយ៖ ស្រីពី
