អគ្គលេខាធិការអង្គការអន្តរជាតិហ្វ្រង់កូហ្វូនីអំពាវនាវឱ្យគោរពសាលក្រមសំណុំរឿងប្រាសាទព្រះវិហារ

ស្ថានីយទូរទស្សន៍ខេត្តព្រះសីហនុ រាយការណ៍នៅថ្ងៃទី១ ខែសីហាថា លោកស្រី Louise Mushikiwabo អគ្គលេខាធិការអង្គការអន្តរជាតិហ្វ្រង់កូហ្វូនី (OIF) បានចេញសេចក្តីថ្លែងការណ៍នៅថ្ងៃទី៣០ ខែកក្កដា ដោយស្វាគមន៍បទឈប់បាញ់រវាងកម្ពុជា និងថៃ។ លោកស្រីបានជំរុញឱ្យប្រទេសទាំងពីរអនុវត្តកិច្ចព្រមព្រៀងប្រកបដោយប្រសិទ្ធភាព និងអំពាវនាវឱ្យគោរពសាលក្រមរបស់តុលាការយុត្តិធម៌អន្តរជាតិឆ្នាំ១៩៦២ និងឆ្នាំ២០១៣ ពាក់ព័ន្ធនឹងសំណុំរឿងប្រាសាទព្រះវិហារ។

នៅឆ្នាំ១៩៦២ តុលាការយុត្តិធម៌អន្តរជាតិបានសម្រេចថា ប្រាសាទព្រះវិហារស្ថិតក្នុងដែនអធិបតេយ្យភាពរបស់កម្ពុជា។ នៅឆ្នាំ២០១៣ តុលាការបានបកស្រាយសាលក្រមដើម និងបញ្ជាក់ថា សាលក្រមនោះទទួលស្គាល់អធិបតេយ្យភាពរបស់កម្ពុជាលើដែនដីទាំងមូលនៃជ្រោយភ្នំព្រះវិហារ តាមព្រំដែលតុលាការបានកំណត់។ សេចក្តីថ្លែងការណ៍របស់ OIF នៅថ្ងៃទី២៥ ខែកក្កដា បានឱ្យដឹងថា នៅពេលនោះអង្គការមានរដ្ឋ និងរដ្ឋាភិបាលចំនួន ៩៣ ក្នុងនោះមានសមាជិកពេញសិទ្ធិ ៥៦ សមាជិកសហការី ៥ និងអ្នកសង្កេតការណ៍ ៣២។ កម្ពុជាជារដ្ឋសមាជិក ហើយថៃជារដ្ឋសង្កេតការណ៍។

អ្នកយកព័ត៌មាន៖ Chenda Teyte

កែសម្រួល៖ Zhao Yi