ផឹកស្រាក៏ត្រូវមានទំនួលខុសត្រូវ! កម្ពុជាពិភាក្សាសហប្រតិបត្តិការថ្មីជាមួយអង្គការអន្តរជាតិ

ថ្មីៗនេះ លោកឧបនាយករដ្ឋមន្ត្រី និងជាអនុប្រធានទី១នៃក្រុមប្រឹក្សាអភិវឌ្ឍន៍កម្ពុជា សុន ចន្ថូ បានជួបពិភាក្សាជាមួយគណៈប្រតិភូសមាគមរៀបចំអនុវត្តការផឹកស្រាដោយសមហេតុផលអន្តរជាតិ (IARD) ដែលដឹកនាំដោយនាយកប្រតិបត្តិ និងជាប្រធាន Julian Braithwaite (ជូលាន ប្រេសវ៉េត)។ ភាគីទាំងពីរបានផ្លាស់បូរយោបល់ស្តីពីការផឹកស្រាដោយសមហេតុផល ការទទួលខុសត្រូវសង្គម និងកិច្ចសហប្រតិបត្តិការនាពេលអនាគត។

លោក សុន ចន្ថូ បានស្វាគមន៍គណៈប្រតិភូ IARD និងបានវាយតម្លៃខ្ពស់ចំពោះកិច្ចខិតខំប្រឹងប្រែងរបស់សមាគមក្នុងការលើកកម្ពស់ការយល់ដឹងរបស់សាធារណជនអំពីការផឹកស្រាដោយសមហេតុផល កាត់បន្ថយផលប៉ះពាល់សង្គមពីការផឹកស្រាហួសហេតុផល និងការជំរុញឱ្យឧស្សាហកម្មស្រាប្រព្រឹត្តអាជីវកម្មដោយទទួលខុសត្រូវ។

លោកបានលើកឡើងថា រដ្ឋាភិបាលកម្ពុជាតែងតែយកចិត្តទុកដាក់លើតួនាទីរបស់វិស័យឯកជនក្នុងការអភិវឌ្ឍន៍សេដ្ឋកិច្ច ហើយតាមរយៈវេទិការដ្ឋ-ឯកជន កិច្ចសន្ទនារដ្ឋ-ឯកជនជាទៀងទាត់ កិច្ចប្រជុំអាហារពេលព្រឹករដ្ឋ-ឯកជន និង«ទិវាបើកទ្វាររដ្ឋ-ឯកជន» ជាដើម រដ្ឋាភិបាលបានពង្រឹងការទំនាក់ទំនងជាមួយវិស័យឯកជន ឆ្លើសាររបស់វិនិយោគិនឱ្យបានទាន់ពេលវេលា និងបន្តកែលម្អបរិយាកាសអាជីវកម្ម។

លោក Julian Braithwaite បានថ្លែងអំណរគុណលោក សុន ចន្ថូ ចំពោះការទទួលជួប និងបានណែនាំអំពីការងារសំខាន់ៗរបស់ IARD ទាំងក្នុងកម្រិតសកល និងក្នុងតំបន់ រួមទាំងទិសដៅគោលនយោបាយ និងផែនការនាពេលអនាគត។ លោកបានបញ្ជាក់ថា សមាគមសង្ឃឹមថានឹងពង្រឹងកិច្ចសហប្រតិបត្តិការជាមួយសហគ្រាសនានាក្នុងតំបន់ ដើម្បីបង្កើនប្រសិទ្ធភាព និងឥទ្ធិពលនៃការងារពាក់ព័ន្ធ។

លោក សុន ចន្ថូ បានសង្កត់ធ្ងន់ថា រដ្ឋាភិបាលកម្ពុជាយកចិត្តទុកដាក់លើសុខុមាលភាពសាធារណៈ សុវត្ថិភាពសាធារណៈ និងការអភិវឌ្ឍន៍ប្រកបដោយចីរភាព ហើយលើកទឹកចិត្ត IARD ឱ្យបន្តសហការជាមួយក្រសួង ស្ថាប័ន និងសហគ្រាសឯកជននានារបស់កម្ពុជា ដើម្បីជំរុញការអប់រំសាធារណជន និងការពារការផឹកស្រាហួសហេតុផល។

ភាគីទាំងពីរយល់ឃើញថា ការពង្រឹងកិច្ចសហប្រតិបត្តិការរវាងរដ្ឋាភិបាល សមាគមឧស្សាហកម្ម និងសហគ្រាសនានា ជួយលើកកម្ពស់ការយល់ដឹងអំពីការទទួលខុសត្រូវសង្គមរបស់សហគ្រាស ជំរុញការអនុវត្តអាជីវកម្មដោយទទួលខុសត្រូវ និងគាំទ្រសុខុមាលភាពសង្គម និងការអភិវឌ្ឍន៍សេដ្ឋកិច្ចប្រកបដោយចីរភាព។