តួលេខគួរឱ្យភ្ញាក់ផ្អើល! រុស្ស៊ីខាតបង់ទាហាន ១៨៨០ នាក់ និងប្រព័ន្ធការពារដែនអាកាស ៣ បន្ថែមទៀតក្នុងរយៈពេល ២៤ ម៉ោង!

ការប៉ាន់ស្មានពីតួលេខសរុបនៃការខាតបង់ផ្នែកយោធារបស់ប្រទេសរុស្ស៊ី ចាប់តាំងពីការចាប់ផ្តើមការឈ្លានពានទ្រង់ទ្រាយធំមកលើប្រទេសអ៊ុយក្រែនកាលពីថ្ងៃទី២៤ ខែកុម្ភៈ ឆ្នាំ២០២២ បានកើនឡើងដល់ប្រមាណ ១.៥៥៩.២៣០ នាក់ គិតត្រឹមថ្ងៃទី១៥ ខែតុលា ឆ្នាំ២០២៦ នេះ ដែលក្នុងនោះរួមបញ្ចូលទាំង ១៨៨០ នាក់ទៀតដែលត្រូវបានសម្លាប់ក្នុងរយៈពេល ២៤ ម៉ោងកន្លងទៅនេះ។

យោងតាមទីភ្នាក់ងារសារព័ត៌មាន Ukrinform ដែលដកស្រង់ទិន្នន័យផ្លូវការពីអគ្គសេនាធិការនៃកងកម្លាំងប្រដាប់អាវុធអ៊ុយក្រែន បានបង្ហាញបញ្ជីរាយនាមនៃការខាតបង់សម្ភារៈសឹករបស់រុស្ស៊ីយ៉ាងច្រើនសន្ធឹកសន្ធាប់ ក្នុងនោះរួមមាន៖

រថក្រោះ ១២.៤១៤ គ្រឿង

យានប្រយុទ្ធពាសដែក ២៥.៥៣៧ គ្រឿង

ប្រព័ន្ធកាំភ្លើងធំ ៥១.២៣៣ គ្រឿង

ប្រព័ន្ធគ្រាប់រ៉ុក្កែត ២២១៦ គ្រឿង

ប្រព័ន្ធការពារដែនអាកាស ១៧០៧ គ្រឿង

យន្តហោះចម្បាំង ៤៤៣ គ្រឿង

ឧទ្ធម្ភាគចក្រចម្បាំង ៣៥៦ គ្រឿង

ដ្រូន និងយន្តហោះគ្មានមនុស្សបើក (UAVs) ប្រមាណ ៥៦៧.៥០០ គ្រឿង

គ្រាប់មីស៊ីលគ្រូស ៥១៣០ គ្រាប់

នាវា និងទូក ៣៥ គ្រឿង

នាវាមុជទឹក ២ គ្រឿង

យានយន្តដឹកជញ្ជូនសម្ភារ និងប្រេង ១៦៣.៣២៤ គ្រឿង

គ្រឿងបរិក្ខារពិសេសៗ ៤៨៣០ គ្រឿង

របាយការណ៍ដដែលបានបញ្ជាក់ថា គិតត្រឹមម៉ោង ២២ យប់ ថ្ងៃទី១៤ ខែតុលាម្សិលមិញនេះ មានការប៉ះទង្គិចគ្នារវាងកងកម្លាំងការពារអ៊ុយក្រែន និងកងទ័ពរុស្ស៊ី នៅតាមបណ្តោយខ្សែបន្ទាត់ជួរមុខ ចំនួន ២២២ លើក៕អត្ថបទដោយ៖ រិទ្ធី